Astra Voyage · Մեր պատմությունը

Մեր մասին

Astra Voyage-ի պատմությունը սկսվեց Երևանից՝ մի պարզ ցանկությունից․ ճանապարհորդությունը դարձնել ավելի հասանելի, գեղեցիկ և ճիշտ կազմակերպված, իսկ յուրաքանչյուր ուղևորություն՝ իրական փորձառություն։ Սկզբում մենք կենտրոնացանք խմբային ճանապարհորդությունների վրա՝ առաջին հերթին դեպի Իտալիա, և հենց այդ առաջին ուղևորությունների ընթացքում ձևավորվեց այն մոտեցումը, որը մինչ այսօր պահում ենք՝ փոքր խմբեր, լավ մտածված ծրագիր և ուշադրություն յուրաքանչյուր ճանապարհորդի նկատմամբ։

Մենք ուզում էինք, որ մարդը ճանապարհորդելիս չմտածի տասնյակ առանձին մանրուքների մասին՝ որտեղ մնալ, ինչպես տեղաշարժվել, ինչ տեսնել, որ օրն ինչպես կազմակերպել։ Այդ պատճառով մեր աշխատանքը աստիճանաբար դարձավ ոչ միայն տուրերի կազմակերպում, այլ ամբողջ ճանապարհորդության ստեղծում՝ ուղղության ընտրությունից մինչև օրերի տրամաբանությունը և ճանապարհորդության ընթացքում անհրաժեշտ աջակցությունը։

Իտալիայից սկսած՝ գաղափարը շարունակեց ընդլայնվել դեպի Եվրոպայի այլ ուղղություններ։ Միաժամանակ ձևավորվեցին մեր փոքր խմբերով հեղինակային և girly trips-երը՝ հատկապես այն մարդկանց համար, ովքեր ուզում են ոչ թե մեծ խմբային տուր, այլ ավելի թեթև, գեղեցիկ, ֆոտոգենիկ և լավ կազմակերպված ճանապարհորդություն՝ նոր մարդկանց հետ ծանոթանալու ու հիշողություններ ստեղծելու հնարավորությամբ։

Այսօր Astra Voyage-ը միավորում է խմբային, անհատականացված և հեղինակային ճանապարհորդությունները։ Մենք շարունակում ենք ընտրել ուղղություններն ու փորձառությունները այնպես, որ ճանապարհորդությունը լինի պարզ կազմակերպման մեջ, բայց հարուստ տպավորություններով։ Իսկ երբ պատրաստի տուրի փոխարեն ուզում ես հենց քո ճանապարհորդությունը, մենք այն ստեղծում ենք քո ժամանակի, նախասիրությունների և բյուջեի հիման վրա։